立體生日咭

 

2013.4.16

 

終於完成了~ 期待遲D有個工作間, 可以更隨心所欲咁做手工~ ^ ^

朋友仔生日, 送親手整的生日咭 or 禮物,最能代表我的心意!

 

做法:先彈一D閃的廣告彩落張粉畫紙度, 令張紙有D 不同效果

再用CUTTER CUT 返D需要的痕出黎

再摺摺整整, 打開就會有立體的禮物 Pop up o左出黎

成日看似簡單的手作, 我都用o左好多時間去做! = ="
係太一絲不苟, 定手腳太慢呢?! haha

 

 

Anyway 我都係想氹下朋友仔開心o者~~
謝謝你常常為我行多一步~ happy birthday! ^ ^

 

p.s. 這張 pop up birthday card 差一點就可以o係macau 寄出~ Orz

My wedding 之 PRE WEDDING 的花球

 

2012.11.16 

上午去影 PRE- WEDDING, 但需要自備鮮花球,

所以邀請O左阿玲幫我整O左一個,

用O左美國ROSE, 加上一D我唔認識的襯花XD

個花球真係好靚, 佢收得我好平, 唔好講手工, 分分鐘連料錢都蝕埋俾我~

SO THAT REALLY 好多謝你呢! 阿玲

連奶奶都大讚, 所以唔係我一個人的偏心說靚呢! =]

P.S. 除O左花球之外, 還有少量的花,

可以俾化妝師幫我APPLY O係頭上面做頭飾~^ ^

My wedding 之 Backdrop

 

這是表姐朋友用蝴蝶裝飾了門口

 

這是我的backdrop

謝謝我 jpc 的朋友仔幫我整上去 =]

 

有時候覺得玩佈置都很不錯~

不過大概同藝術有關的, 我都會有興趣吧!
何時才能把興趣轉為工作呢? =]

My wedding 之 backdrop 蝴蝶

 

之前講過 我的 backdrop 諗o左好耐, 都唔知應該用咩好~

這個時候, 表姐的朋友(Jennifer)結婚了, 還自己親手cut o左好多這種咁靚的蝴蝶來佈置添

我多口問佢佈置完有無keep 返?  幸運地還有餘下一些,便借來一用~

基本上她cut 了2 個 size,  有大 size, 有中 size , 這樣有大有細出來的效果會更好~ ^ ^

 

謝謝魚魚花了寶貴的時間再幫我 cut 多了一些 ,

等我遲d pose 埋 我個 backdrop 出黎先~

 

這硬咭紙有一點暗紋, 應該最少也有 250 gram , 所以效果才夠挺,

要佈置起來也很方便, 一隻蝴蝶只需一支 3" 左右長的大頭針便可

而且我佈置完畢, d 蝴蝶再借俾我其中一個姊妹的朋友(另一新娘子)

之後還能完好的還俾 Jennifer 的家姐用~

能翻用咁多次, 我覺得真係好好~  因為又靚又夠晒環保^ ^

 

 

 

 

 

 

 

My wedding 之 pre-wedding 之 props

 

o係準備自己的 pre wedding 的時候, 我都為自己準備o左少少東西,

第一樣野就係 一個花球, 感覺上花球是必須的~

因為可以令個畫面豐富少少~ xp

買了一些假花, 再修剪長度, 配少量的葉, 用酒紅色系絲帶紮起, 完成~

 

 

第2樣 props 就係 這幾個英文字母  L ~O ~V ~E ~

因為時間有限, 否則一定會整多D 唔同的PROPS  玩下~

這幾個 英文字母, 其實都係廢物利用

( 我成日都想將一d 別人眼中係廢物的東西改造成藝術or 手工)

將一D 厚身少少的發寶膠(本身其實係買電器之類的包裝保護墊),

用 cutter cut 成要的形狀而已

個心心用紅色 marker 上色

再用牙籤剌孔,  穿上了銅色的皮繩, 完成~

 

近睇手工可能比較粗糙, 但影相好多時都係要個形態而已!!!!

My wedding 之 紙蝴蝶結

 

摺紙真係一樣好有趣的玩意,

平平無奇的一張紙, 可以有無限的變化

為o左我自己的wedding , 我可以話係 諗o左好多手作~

有時間的話都會作出嘗試

這個蝴蝶結我有諗過摺黎裝飾回禮小禮物的,

不過數量太多,儲存時覺得會太易壓扁or 整'巢'

所以都係放棄了~ xp 

 

不過 在平時的禮物包裝上, 加上這個蝴蝶結,我諗已經可以生色不少 =]

因為已經唔記得o左點摺,

所以我打算o係網上搵返個教學俾大家的時候

我發現到一個好正的website, 同大家分享一下

http://tw.myblog.yahoo.com/eaglesuker/archive?l=f&id=130

 

裡面有好多出神入化的摺紙, d教學都好似好易明白

希望大家會鍾意~ =]

My wedding 之 姊妹裙

 

今日講下姊妹裙,雖然不是我的手工作品, 不過都想分享一下~

我一直想搵一d 特別少少的裙做姊妹裙... 但一直未有頭緒,有一日我o係facebook 度見到朋友仔著住這條裙張相, 對佢(條裙)一見鍾情, 就問佢o係邊度買

原來係佢做show, 人地安排俾佢著的~ 好彩佢好好人咁幫我追查到o係邊度可以買到這條裙

幸運地, 淘寶就可以淘到返黎~  本身我伴娘幫我淘 2 件返黎試size 先, 點知道過多two weeks之後, 間野消失了, 再order 唔到了~   真係覺得好神奇, 亦有點不知所措.....

好彩再不停咁尋找這個款式之下, 都搵到第2間公司有得賣, 不過就貴o左一截

不過都無計啦~  鬼叫我鍾意咩~  xp

如果要講下這條裙的特別之處,  點解我咁鍾意, 原因在於佢的裙腳

以往姊妹裙一般我見得太多唔係長裙就係短裙

長裙的話, 行起路, 做起野時比較不方便
而短裙的話, 又未必人人著得好睇

而這個款式就岩晒我心意了, 裙腳有長有短, 帶點不平凡得黎

行起路上黎可以有飄逸的感覺,遮到d缺點得黎又唔係阻住行路~

簡直係正呀!!! =]

My wedding 之 裝飾蠟燭玻璃杯

 

其實酒席本身的檯面都已經有基本的佈置的

有暗花的檯布同有檯花

不過開席前, 我想再靚少少,

所以準備O左每枱放有這個我好喜歡的星星蠟燭杯

裡面的蠟燭係上淘寶淘返黎的

但可能淘寶的東西太平, d 蠟燭 好薄,
雖然o個日我好忙, 乜效果都睇唔到, 不過我諗o個時好快就燒完了 XD

My wedding 之裙褂頭飾

 

 

一路以來, 我見過阿玲整好多手工藝

現在她找到自己的方向, 可以有自己的事業,向花藝,佈置方面發展 真羨慕 =]

阿玲有一對巧手,所以整GE 野都好靚

想知有幾靚? CLICK 入去睇下啦~ ^ ^

http://www.facebook.com/elcheungyanyan?ref=stream#!/Adelaide.Florist?fref=ts

 

 

謝謝阿玲特別為我整左個 FOR 裙褂的頭飾, 好靚, THANK YOU SO MUCH~

my wedding 之結婚公仔

 

因為我時間不多, 所以一直o係度諗, 自己做一對結婚公仔俾自己好, 定買返黎好呢!

自己又無乜很明確喜歡的卡通公仔,

唔似得有d朋友好鍾意hello kitty or miffy or disney 的公仔, 有的話可以好快揀到心頭好~

其實我好鍾意睇 one piece 的,但方間唔見有得賣佢的 wedding 公仔......

anyway 點都想要獨一無二d o既 手作野 ~

 

這一對就係我的結婚公仔, 係咪好得意呢? 佢係獨一無二的 =]

多謝 Suyi , 為我作出新嘗試, 本來佢學緊整好細隻的公仔

卻為了我嘗試整大的~而且仲好成功, 好靚呀,勁呀!!!! 多謝! ^ ^

 

仲有多謝阿玲特意做o左個小花球俾佢, 真係好襯,好靚,

而且仲係我鍾意的紫色tim~

 

成日整手作俾人, 其實都好希望可以收到別人的心意, 所以收到真係好開心~ 多謝!=]

 

 

 

My wedding 之 little album

首先cut o左岩的尺寸的卡紙, 再摺到咁 ge 樣

 

將d相背對背咁用雙面膠紙痴住

(這個動作要貼得靚有d難度, 因為要岩位,
貼斜了就要報銷,因為相紙'搣'唔返轉頭, 張相會勁'"巢')

再用雙面膠紙貼埋個外皮

 

完成了 ^ ^

 

這是第一輯的 little album橫"島"的,
第 2 輯的整o左直"島"的, 好似無影到相? 找不到 ..... = ="

 

 

2012.4

我搵朋友幫我影pre-wedding, 仲有d朋友仔自願做我妹仔(其實我真係好開心呢!)

幫手拎野, 同揸下反光板, 吹下泡泡咁
total 影o左2輯 第一個地方o係中大, 第2個地方o係大譚

2次都影得好開心, 身邊都係d好幫我的朋友仔, 而且好專業, d 相影得好靚~

對於我黎講, 多o左 2日美好的影相回憶, o個2 日真係笑得好開心 =]

 

除o左請食飯, 我仲特意為佢地度身整o左本 photo album,
揀o左當日有佢地的相, 又有大合照, 用ps 執相,排位,再拎去曬相

點知曬出黎的尺寸有d 出入,  有d相cut o左人頭..... 又要再執過,曬過
不過皇天不負有心人, 都俾我完成o左這幾本相簿仔
滿足感真係好大~^ ^

當中的思考過程係

本來想整每人一張多謝card, 但又想更特別一點
pre wedding 通常 d 相都會曬成好靚的相簿
我見街o個d整相簿服務 , 唔係太大, 就太細(大概只有2~3cm) 點睇呀?
所以觸發o左我自己試做的念頭,

點都好, 見到佢地好鍾意,我都超開心~ =]

個包裝都好特別架, 如果搵到相先再pose 出黎啦~xp

 

順帶一提, 其中有一本係特意整俾我一個去澳洲WORKING HOLIDAY 的朋友仔, 去成1~2年, 又未必可以隨時上到網

如果曬普通相又重又唔多方便

所以整本小ALBUM 俾佢, 又輕又可隨身攜帶o係身邊, 掛住我地ge 時候都可以望下我地個樣, 回憶一下我地開心的飯局麻~ =]

My wedding 之 paper flower

o係 backdrop 方面, 我又諗過用紙整花花, 依家時下都興用大量好大的紙花做 wedding 的backdrop , 效果都很不錯, 但唯一擔心的係, 老人家, d長輩唔知點諗, 怕佢地諗錯隔離,會聯想起紙札之類的東西.......... 所以我都諗o左好耐.......畢竟 我搞的不是西式的婚禮~
到最後, 這個花花都不是我backdrop 的裝飾

不過都簡單講下, 這個紙花係點整

如圖所見,  將紙cut 成一塊水滴形  就係第一塊花瓣, 第二塊花瓣的形狀係將2塊水滴形拼埋,
如此類推.......至到第5塊

把他們獨自捲起, 左邊同右邊貼著,   這樣你會有5個 稍為立體的東西,
再把他們的尖尖的部份(底部)貼在一起, 當然要順著花瓣的數目去貼 , 5塊的在底, 1塊的在面
就會貼出一朵玫瑰花!
之後再用牙籤/筆(視乎花的大小) , 捲一捲花瓣邊, 效果會更神似~=] 

留意根據唔同的大小, 用不同厚度的紙張, 越大, 可能要越厚先可以撐得挺~

最後的小tips 係, 紙係用白膠漿先貼得最實!!!

My wedding 之 paper diamond

圖片來源: http://www.joesdaily.com/art-design/diy-3d-paper-diamonds/

圖片來源: http://www.joesdaily.com/art-design/diy-3d-paper-diamonds/

為O左我WEDDING 的 BACKDROP , 我都可以話係絞盡腦汁,  上網見到可以用紙整DIAMOND 出黎, 覺得好有趣, 決定做個小 demo 睇下效果
研究同理解左佢 ge 原理, 我就用ai 畫返個圖出黎, cut 開再摺痕再貼,  
結果好簡陋咁整o左出黎,
個型基本上都無問題, 不過最後都無用到這個paper diamond 做 backdrop,
因為我需要大的diamond 做 backdrop, 但我好難print 咁大張紙, 而就咁畫又怕唔岩比例.....

My wedding 之 簽名筆

 

 

簽名筆o係其中一個不可缺少的東西,俾來替我高興的朋友簽個名

用黎俾我感恩,留念的~^ ^
雖然佢可以好普通咁存在, 但我喎~點都要幫d簽名筆扮下靚靚先得架~ ; ]

因為我準備婚禮的時間唔係真係咁多

所以都係好簡單咁用o左現成的不織布的花花同絲帶去美化佢地~

首先準備簽名筆, 不織布花花(我選擇了紅,粉紅同紫色來配襯), 絲帶, 熱溶膠槍, 剪刀

 絲帶頭先利用熱溶膠槍o係筆頭固定, 再沿著簽名筆卷上去,卷完再固定,剪去多餘的絲帶

再用熱溶膠槍將花花貼上,再快速咁放靚花花的位置, 要平均~ 

搞掂! 咁咁快完成1支~

表妹都有份幫手的~ thank you

 

my wedding 之 請帖

2013.1.24  係我自己的大喜日子
所以盡可能, 我想將心意溶入手作咁俾朋友仔
由請帖開始 , 我想了很久, 點先可以特別得黎大家又會覺得靚呢?
最後我 Design  O左這個請帖   (源於將一張紙摺到好似一封信的 Idea)

我度O左好耐位, 試PRINT, 試摺, 終於完成到.. 好開心呢!
最後我揀O左珍珠紙(俾人覺得grand  d 麻 ^ ^")  俾人output  再親手摺

前面係我之前幫人整的手作的圖片 , 後面係有立體感的葉狀裝飾
and then 打開有內容, 仲有一個位置可以攝餅咭同回禮利是
全由一張A4 紙完成的~

起初諗 的時候, 無諗過原來都要用好耐,因為d 紙有 d厚度, 所以難摺少少
 一個鐘只摺到5個左右...
不過好彩, 熟能生巧, 都可以越摺越快, 最後大概8 mins 摺到1個
o個時天氣好凍... 都摺到個人彊晒~ 不過見到朋友仔收到鐘意, 都覺得係值得的~

信封我用返 餅咭個信封, size 岩岩好, 而且襯到絕兼環保, 正呀!!!! ^ ^